A Gárgola do Mestre Mateo

A Gárgola do Mestre Mateo é unha versión da nosa obra «A VIAXE DE SAIRA«, dentro dun proxecto social con base na cultura e a tradición propias. Nel achégase ao público familiar ao teatro a través do vínculo coa música tradicional, nun espectáculo profesional multidisciplinar

.

Buscamos con esta proposta fomentar a significación directa da propia comunidade, facendo partícipes do espectáculo aos membros da agrupación de música tradicional e folclore local, provocando e facilitando a participación activa no mesmo.

As entidades participan coas súas danzas e música, pero tamén cos traxes tradicionais, convertendo este espectáculo, ao mesmo tempo, nun escaparate que dignifica e pon en valor a riqueza de tecidos, traxes, bordados, encaixes e adobíos; imprescindible patrimonio material e etnográfico galego.

Achegar, en definitiva, ao público familiar ao teatro a través do vínculo coa música tradicional, e unindo o tecido social ao transformar á veciñanza en protagonista activa e non só en receptora da actividade.

Con este proxecto, iniciado en setembro do 2020, estivemos en Aríns coa agrupación folclórica Coto da Nai, na Peregrina co grupo Novo Río Sarela, en Laraño cos Armadanzas, e tamén en Arzúa, Palas de Rei, Sarria… cunha gran acollida e colaboración activa por parte da veciñanza.

Vídeo teaser da obra «A VIAXE DE SAIRA», espectáculo no que se basea o proxecto sociocultural da «GÁRGOLA DO MESTRE MATEO»

Elenco

Celtia Figueiras: Saira

Borja Ínsua: Titiriteiro e actor

Topo Vidal: Manipulación gárgola e actor

Música e baile

Agrupación folclórica

Dirección de actores

Topo Vidal

Dirección de títeres

Borja Ínsua

Asesor musical

Pablo Pérez Sanmamed

Composición de Espazo Sonoro

Lois Prado

Escenografía e construcción títeres

Producións teatrais Alakrán

Robótica Gárgola

Carlos Torres

Deseño de iluminación

Octavio Más

Técnico de Son

Mauricio Caruso

Coordinación

Celtia Figueiras

Topo Vidal

Unha coprodución de

Cofinanciada por

agadic xunta. teatro