quen lle fixera aquilo na cabeza
A toupiña que quería…
A Toupiña saía do seu tobo e algo lle caeu na cabeza, a modo de pucho cheirento.
Daquela, percorrerá a granxa investigando -moi indignada- cal dos animais que alí viven lle fixera semellante agravio: a pomba, o cabalo, a lebre…
Unha obra simpática e escatolóxica que provoca gargalladas e fai que os espectadores empaten coa toupiña que quería saber, ferida no seu orgullo.
O ecoloxismo, reutilización e reciclaxe tamén son temas sobre os que xira a totalidade dun espectáculo no que o público terá unha visión diferente dun tema tan natural como a vida mesma, ademais de facer unha reflexión sobre o final do conto: A vinganza é a opción correcta?
Idades: Dende os 2 anos
Duración: 45 min.
Idioma: Galego
Con esta obra foméntase a curiosidade, así como o coñecemento e respecto cara os animais. Todo dunha maneira cómica e moi divertida. Estimúlase a intelixencia emocional, e o recoñecemento das diferencias, nun ambiente de expectación e misterio, capaz de encandear ao público.
VALORACIÓNS DO ESPECTÁCULO POR PARTE DO PÚBLICO
“Marabilloso. Encantounos que o espectáculo tivese música en directo. Moi entretido. Perfecto para os rapaces!”
“Moi adecuado para os nenos/as. Divertido e educativo. Desexando ver outro dos vosos espectáculos”
“Moi bo espectáculo que cautivou aos cativos e cativas. Noraboa”
“Divertido e cun xiro ao final que , ao meu parecer, mellora o que se relata no conto orixinal (as veces as familias refiren que ese conto promove devolver mal por mal)”
“Posta en escena orixinal, destacando a música en directo. Estivo moi ben tanto para nenos/as como para mestres/as”
“Divertido e moi bonito. Moi boa posta en escena. Gustoume que integraran as nenos/as no espectáculo. Desexando vervos de novo pronto!”
“Gustounos moito a obra, foi moi divertida, os nenos e nenas quedáronse con moito contido dela (e son de 3 anos), as actuacións moi boas, a participación cos nenos e nenas tamén xenial. Si é verdade que ía un pouco preocupada pola duración da obra pero en ningún momento se lles fixo longo”
“Divertido, dinámico e moi orixinal pois tivo de todo. Música, narración e un decorado e persoaxes precioso. Conseguichedes que os nenos de distitas edades mentiveran a atención todo o tempo que durou a obra”
.
.ELENCO:
Actriz e titiriteira: Celtia Figueiras
Titiriteiro: Topo Vidal
Músico e efectos: Vadim Yuknevich
Autor: Werner Holzwarth
Adaptación e dirección: Celtia Figueiras
Codirector: Topo Vidal
Monicreques: Marcelo Fernández
BASEADA NO LIBRO:
