A Viaxe de Saira

Unha produción conxunta de A Xanela do Maxín, a Fundación Galicia Sustentable, Alakrán e Ribeirart cofinanciada coa liña de Axudas de «O teu Xacobeo».

Unha viaxe desde Francia a Compostela polo Camiño de Santiago na que Saira, unha rapaza francesa fai o camiño a Galicia para curar o corazón de pedra da súa familia.

A viaxe faina xunto con unha gárgola máxica destinada á Catedral de Compostela, por encargo do seu avó. Debe ser entregada ao Mestre Mateo. Unha viaxe que da comezo en Saint Jean Pied de Port e remata en Santiago, con lendas e personaxes propios do camiño e na que destaca o carácter que imprime Galicia dentro do mesmo: danzas, gastronomía e música propia que viaxan por Europa ao longo da Historia.

Saira, «viaxeira» en francés, vai descubrindo polo Camiño a gran riqueza artística e humana que se está a consolidar en esa época. Ambientada no S.XII por ser coñecida como a época de ouro das peregrinacións e momento no que Santiago se consolida como centro de peregrinacións internacional.

A Viaxe de Saira foi estreada en San Domingos de Bonaval (Compostela) o 18 de Xullo do 2020

A Viaxe de Saira e A Gárgola do Mestre Mateo

Un proxecto social dentro dun espectáculo de teatro profesional. Iso é o que é «A Gárgola do Mestre Mateo» de «A Viaxe de Saira». Un espectáculo multidisciplinar, con base na cultura e a tradición propias e no que se achega ao público familiar ao teatro, a través do vínculo coa música tradicional.

Buscamos, ademais,  fomentar a significación directa da propia comunidade, facendo partícipes do espectáculo aos membros da agrupación de música tradicional e folclore local, provocando e facilitando a participación activa no mesmo.

As entidades participan coas súas danzas e música, pero tamén cos traxes tradicionais, convertendo este espectáculo, ao mesmo tempo, nun escaparate que dignifica e pon en valor a riqueza de tecidos, traxes, bordados, encaixes e adobíos; imprescindible patrimonio material e etnográfico galego.

Achegar, en definitiva, ao público familiar ao teatro a través do vínculo coa música tradicional e unindo o tecido social ao transformar á veciñanza en protagonista activa e non só en receptora da actividade.

Elenco

Celtia Figueiras: Saira

Borja Ínsua: Titiriteiro e actor

Topo Vidal: Manipulación gárgola e actor

Músicos

Lois Prado

Caetano Amenábar / Sara Malvido

ou:

Agrupación folclórica (opción sociocultural)

Dirección de actores

Topo Vidal

Dirección de títeres

Borja Ínsua

Asesor musical

Pablo Pérez Sanmamed

Composición de Espazo Sonoro

Lois Prado

Escenografía e construcción títeres

Producións teatrais Alakrán

Robótica Gárgola

Carlos Torres

Deseño de iluminación

Octavio Más

Técnico de Son

Rafael Iglesias

Coordinación

Xaime Garaboa

Celtia Figueiras

Marta Bouzada

Produción e distribución

A Xanela do Maxín

Fundación Galicia Sustentable

 

Xacobeo 2021