U-la Lúa? no teatro

Agora este espectáculo en 2 formatos para desfrutala en teatros e auditorios, pero tamén en bibliotecas ou colexios…

Ao teatro!

Unha historia sobre a igualdade onde a violencia non ten cabida e a ilusión fai dos soños unha realidade.

A gatiña Lúa non ten irmáns e a avoa non lle deixa saír fóra, mais ela soña con viaxar, coñecer novos lugares e ter amigas para xogar.

Cando logra saír atópase cun gato que tamén intenta impedirlle que realice os seus soños, pero Lúa di NON, porque ninguén ten dereito a destruír os seus soños e ilusións.

En U-la Lúa? cobran importancia valores como a tenrura, o respecto ou a solidariedade. Unha proposta escénica baseada no conto de Lúa e dirixida ao público familiar con títeres de mesa e música en directo.