Inventoras con mentes curiosas

Inventoras con mentes curiosas é un espectáculo participativo, divertido e didáctico deseñado para estimular a creatividade e a curiosidade do público. A actividade inclúe retos e desafíos que nos fan pensar.

A través da participación, descubrimos historias de mulleres brillantes que grazas ao seu enxeño e perseveranza, deixaron unha marca profunda.

Estas inventoras superaron barreiras sociais e culturais. Non só loitaron contra as dificultades, senón que abriron camiños para o futuro.

No espectáculo, exploramos como as súas ideas influíron no mundo actual. Destacamos a súa importancia na creación de inventos que nos fan vivir mellor, tamén inventos que salvan vidas, outros que nos entreteñen e tamén aqueles que nos axudan a coñecer mellor o mundo que nos rodea e o universo.

Coñeceremos figuras inspiradoras como Hipatía de Alexandría, a primeira inventora coñecida da histora, ou Ada Lovelace, a primeira persoa en teorizar sobre o potencial dun computador.

Tamén descubrimos mulleres menos coñecidas, pero igual de xeniais. Grazas ás súas contribucións, transformaron a nosa maneira de vivir.

No espectáculo, celebramos estas mulleres pioneiras en ciencia e tecnoloxía. Fomentamos o espírito de investigación e innovación no público. Invitamos a pensar de forma crítica e a buscar solucións creativas.

A curiosidade e a determinación son as claves para cambiar o mundo. Este espectáculo é unha homenaxe ao papel crucial das mulleres no avance científico.

Invitamos ao público a reflexionar sobre o impacto das mulleres na historia. O seu legado continúa a inspirar novas xeracións de inventoras e pensadoras.

En Inventoras con mentes curiosas, non só celebramos os logros destas mulleres, senón tamén a súa capacidade para desafiar as normas e demostraremos que calquera de nós pode ser inventora ou inventor.

O espectáculo busca inspirar a próxima xeración a ser creativa, curiosa e audaz. O futuro tamén depende das nosas ideas e esforzos.

 

Valoracións por parte do público

“Divertida, interactiva e didáctica.“

“Moi entretenida, e gusta moito iso de facer participar aos alumnos/as sentíndose activos nas actividades”

“Excelente e axeitada ás idades do alumnado”

“Entretida, clara e chama a atención dos nenos”

“Interesante, motivadora e instructiva. Agradecer como Celtia se adaptou ao alumnado. Encantada co seu Bo facer!”