Libros Violeta

Os Libros Violeta abren as súas páxinas para descubrirnos pequenas historias do día a día: quen fai a comida, quen recolle, quen coida, quen organiza… porque detrás de cada tarefa hai tempo, esforzo e responsabilidade.

A través dos títeres, dos libros e do xogo, iremos coñecendo personaxes e situacións que nos convidan a mirar doutro xeito aquilo que facemos cada día.

Unha viaxe para falar de corresponsabilidade e igualdade, para descubrir que as tarefas da casa non teñen xénero e que compartir os coidados tamén significa compartir o tempo para xogar, descansar e desfrutar xuntos.

Porque coidar é cousa de todas e todos.