O Apalpador e a nena sen medo

O Apalpador trae cada ano desde o Courel castañas, presentes e aquilo que non temos. Por iso a Nena sen medo lle escribiu unha carta moi especial, pedíndolle o que a ela lle faltaba, o seu desexo: palabras para encher o corazón e coas que poder voar en soños. Palabras en galego.

Ideal para o tempo de Nadal, este espectáculo está recomendado para espazos reducidos como bibliotecas, colexios e salas pequenas cun máximo de público de 70 persoas.

 

Valoracións da actividade

“Enganchou á cativada desde o principio ao fin“- CEIP Plurilingüe Sestelo-Baión (Vilagarcía de Arousa)

“Estupenda, cercana e máxica para os nenos e as nenas” – CEIP Plurilingüe Carlos Cid Arregui (Rairiz de Veiga)

“Fabulosa. Gustaríanos repetir en sucesivas ocasións.” – CEIP Vicente Risco (Cualedro)

“Creativa” – EEI Caamaño (Porto do Son)

“Cultural, divertida e moi entretida.” – CEIP Plurilingüe de Sigüeiro (Oroso)

Esta obra, realizada en colaboración con Semente Compostela, está baseada nun poema de Séchu Sende.