O Regreso de Lúa

Lúa logrou o imposible: foi a primeira gata en pisar Marte. Unha viaxe extraordinaria que a levou moito máis lonxe do que nunca imaxinara. Pero toda gran misión ten un prezo, e o camiño de volta non sempre é o que se espera.

En O Regreso de Lúa, a nosa protagonista emprende o regreso á Terra despois de cumprir o seu cometido.

Cando parece que todo está baixo control, o destino ten preparados novos desafíos que nin a propia Lúa podería imaxinar.

Soa, lonxe da casa e nun lugar descoñecido, Lúa terá que enfrontarse a situacións que poñerán a proba a súa valentía e a súa capacidade para seguir adiante. 

Unha aventura chea de emoción e descubrimentos, na que Lúa terá que mirar máis alá de si mesma para comprender que coidar, respectar e protexer o noso planeta tamén forma parte da misión.

Unha historia de igualdade, superación, amizade e respecto polo noso planeta.