Un espectáculo insólito para toda a familia, cheo de imaxinación e creatividade, que non deixa indiferente a ninguén. Con música pegadiza, movemento constante e humor traveso, a actuación convida ao público a participar activamente, rir e gozar dunha experiencia única, onde tradición, fantasía e diversión se mesturan nunha festa visual e sensorial.

Unha proposta máxica que transforma as rúas nun escenario aberto, facendo que cada nena e neno se sinta parte dunha historia viva, inesquecible e chea de encanto.

La entrada A Galiña dos ovos de ouro se publicó primero en A Xanela do Maxín.

Para poñer orde neste enredo de sentimentos contará coa axuda da súa gran amiga, unha nena curiosa, sensible e chea de ganas de comprender o que lle ocorre. Xuntas iniciarán unha viaxe chea de preguntas, descubrimentos e sorpresas, na que cada emoción irá aparecendo pouco a pouco, tomando forma, cor e voz propias. Ao longo da aventura aprenderán a recoñecer, nomear e expresar emocións tan importantes como a alegría, a tristeza, o medo, a rabia e a calma, entendendo que todas teñen un lugar e unha función.

Este espectáculo teatral, inspirado no popular libro O Monstro de Cores de Anna Llenas, convértese nunha experiencia sensorial e participativa chea de cores, música, movemento e xogo. Unha proposta pensada para gozar en familia, na que as nenas e nenos non só observan, senón que tamén se implican, reflexionan e senten.

A través do humor, da tenrura e da imaxinación, o espectáculo invita a descubrir que as emocións non son boas nin malas, senón compañeiras de viaxe que hai que escoitar, coidar e aprender a entender para medrar con confianza e benestar.

Valoracións de O MONSTRO DE CORES por parte do público

“Estivo todo fenomenal, a representación, a decoración, os protagonistas da obra… Moi ben fiado e adaptado aos nenos e nenas.“

“Moi entretida, divertida, interesante e adaptada aos nenos e nenas.”

“Parabéns a tódolos actores pola súa interpretación, imaxinación e detalles preciosos de ambientación, música, luces, decorado…todo coidado ao máximo. Gustoume moito e dEisfrutei coma unha nena máis. Os nenos e nenas da miña clase saíron encantados/as e é moi importante falar con tanto coidado e agarimo das emocións, algo súper importante de aprender a xestionar, nenos e adultos. Graciñas por todo!”

“Maravillosa, etntretenida, participativa, GENIAL!!!!! Nos pareció muy bonita y muy buena puesta en escena.”

“Unha boa adaptacion do conto o Mostro de Cores, cunha posta en escea moi atractiva para os nenos e nenas e moi participativa! Noraboa”

La entrada O Monstro de Cores se publicó primero en A Xanela do Maxín.

Palabras que antes enchían contos, cancións e xogos, pero que agora están a esvaecerse. Sen elas, moitos xoguetes tradicionais deixan de ter nome e a nosa lingua perde parte da súa maxia.

Nesta nova aventura, o Apalpador e a súa amiga emprenden unha viaxe para atopar e devolverlle ao mundo esas palabras perdidas. Coa axuda das nenas e nenos, irán redescubrindo nomes antigos de xoguetes, expresións cheas de historia e palabras que falan da nosa identidade. Porque cada palabra recuperada é un agasallo para o futuro!

E despois da representación… a viaxe continúa! As nenas e nenos poderán explorar unha instalación especial con xogos e xoguetes tradicionais, onde as palabras atopadas volverán cobrar vida a través do xogo e da imaxinación.

La entrada Agasallos do Apalpador: Palabras e xoguetes se publicó primero en A Xanela do Maxín.

En “Rachando co Guión” promóvese a concienciación e a reflexión crítica sobre a desigualdade de xénero entre o alumnado de educación primaria e secundaria, empregando o xogo dramático e o teatro forum como ferramentas pedagóxicas para identificar comportamentos sexistas, cuestionar estereotipos e co-construír solucións inclusivas e igualitarias. Así mesmo, incorpórase a promoción da corresponsabilidade social nos coidados e nos usos do tempo, visibilizando a importancia dun reparto xusto das tarefas e responsabilidades, e fomentando unha convivencia democrática e respectuosa.

O proxecto baséase en enfoques pedagóxicos activos e transformadores que sitúan ao alumnado no centro do proceso de aprendizaxe a través de metodoloxías vivenciais onde o alumnado non só observa, senón que se converte en protagonista do cambio. A través do xogo dramático, traballamos a concienciación social, a análise crítica de estereotipos de xénero e a construción colectiva de realidades máis xustas, incorporando tamén a implicación dos nenos e dos homes no desenvolvemento de masculinidades corresponsables e igualitarias, promovendo relacións baseadas no respecto, na equidade e no coidado compartido.

Valoracións de RACHANDO CO GUIÓN, XOGANDO PARA CAMBIAR

“Estupenda. Moi didáctica. Axeitada, motivadora para os nenos pola presentación e acolledora (permite a participación dun xeito ou outro de todo o alumnado). Contidos ben escollidos e presentados ás crianzas adecuadamente.  Parabéns!” (CEIPP Os Casais)

“Moi enriquecedora,  fai reflexionar en cada escena. Este formato paréceme moi interesante, xa que axuda ao alumnado a poñerse no lugar dos protagonistas sen forzar a situación” (CEIP Ana María Diéguez)

“Enriquecedora e animada. Foi xenial que os nenos e as nenas foran partícipes directos da actuación. MOITAS GRACIAS.” (CEIP Plurilingüe San Miguel)

“Interesante, promove unha reflexión moi necesaria. Coido que en un formato que se puede llevar a outros temas tamén de interese. Pareceume fantástica esa colaboración cos nenos e nenas. Ao rematar comentamos a actividade e o alumnado que subiu ao escenario describiuna como inesquecible.” (CEIP Manuel Padín Truitero)

“Participativa, dinámica, interesante, necesaria. Grazas, gustounos moito a función” (CEIP Xosé María Brea Segade)

“Gustounos moito, xa que este formato facilita moito a motivación e atención, e a persoa que asistiu ao centro tamén o fixo posible, ao falar coas nenas e nenos dun xeito desenfadado á vez que lles facía pensar e reflexionar sobre o que vían e comentaban.” (CEIP Apóstolo Santiago)

“Como a vida mesma. Encantoume, porque ademais serve para sensibilizar da necesidade da igualdade en todos os ámbitos.” (CEIP de Vilarmide-Eduardo Noya)

La entrada Rachando co Guión. Xogando para cambiar se publicó primero en A Xanela do Maxín.

Unha viaxe máxica e emocionante a través da historia, da lingua e da cultura galega.

A gran viaxe das Letras Galegas leva o público por un camiño cheo de palabras, sons e lembranzas a través de distintas épocas, autoras e autores.

Un espectáculo que convida ao público a embarcar nunha travesía única, onde as palabras non son só sons, senón que se converten en pontes entre pasados distantes e presentes próximos, entre o corazón e a memoria.

Comezando con Begoña Caamaño e as voces contemporáneas, retrocederemos ata Rosalía de Castro e os primeiros textos escritos en galego.

Este espectáculo é, antes que nada, unha celebración da nosa lingua e do poder transformador das letras: un fío condutor que une xeracións, preserva a memoria colectiva e nos axuda a soñar un futuro en galego.

La entrada A Gran Viaxe das Letras Galegas, até Begoña Caamaño se publicó primero en A Xanela do Maxín.

A historia mestura comedia, acción e maxia nunha trama que mantén ao público engaiolado. Mentres Pérez recolle os dentes, tamén aprende leccións valiosas sobre o traballo en equipo e a perseveranza. A súa misión non só é importante para el, senón tamén para as nenas e nenos que confían na súa presenza nocturna. A través desta comedia chea de acción, descubrimos o fascinante mundo do Rato Pérez e dos seres recolle-dentes. Eles non só recollen dentes, senón que tamén transmiten un mensaxe de responsabilidade sobre a saúde bucal.

A tradición do Rato Pérez é moito máis que unha lenda. Mantela viva é fundamental para lembrar aos nenos a importancia de coidar os seus dentes. A historia mostra que, ao manter os dentes fortes e sans, tamén se fortalece a súa confianza e benestar. Por iso, a misión de Pérez é esencial, garantindo dentes fermosos e saúdables para as futuras xeracións.

Valoracións de RATO PÉREZ por parte do público

“Divertida, entretida, con mensaxes moi chulos e necesarios para os nenos, as nenas e as mamás e papás”

“Espectáculo entretido no que se combinan música, teatro, monicreques… Aconsellable. Volvede pronto con outro espectáculo. Moitas grazas!”

“Divertida e axeitada á idade. A posta en escena moi boa”

“Aprendimos unha chea de cousas sobre a cantidade de persoaxes que recollen dentes arredor do mundo e tamén outras formas de facer. Foi xenial!
 

La entrada Rato Pérez se publicó primero en A Xanela do Maxín.

PASANDO A BÓLA XOGANDO PARA CAMBIAR emerxe como un evento de intervención escolar e social, onde o xogo dramático serve como ferramenta poderosa para concienzar ao alumnado. A partir de aí explóranse solucións que se porán en práctica a través do teatro.

Esta actividade está baseada no libro “A Banda dos insectos” de Celtia Figueiras e inspirado na técnica de Augusto Boal e o teatro do oprimido. Unha actividade aborda de forma única o problema do bullying no contexto escolar.

Neste encontro singular, a guía da intervención, coa contará coa colaboración do alumnado voluntario como actores e actrices. En conxunto, escenificarán escenas construídas especialmente para representar as diversas manifestacións do acoso nas escolas.

Trala presentación destas escenas, a audiencia convértese en parte activa do proceso. O alumnado aporta solucións aos comportamentos observados, encarnando e mostrando tamén as novas solucións propostas como parte da actuación.

“Pasando a bóla Xogando para cambiar” non só ofrece un enfoque innovador para abordar o bullying, senón que tamén fomenta a participación activa da comunidade escolar na creación de solucións.

A través do xogo teatral, a audiencia non só toma conciencia da problemática, senón que tamén se converte en axente de cambio. Construirán xuntos unha resposta colectiva que promove un ambiente escolar máis seguro e respectuoso.

Valoracións de PASANDO A BÓLA, XOGANDO PARA CAMBIAR

“Axuda a pensar e a sentirnos protagonistas do que ocorre. Moi boa experiencia e unha función chea de sentido. Alumnado e profesorado quedamos encantados! Grazas!”– CEIP Juan Fernández Latorre (A Coruña)

“Estupenda moi acertada.  Gustounos moito no centro a temática da actividade e a forma de explicarlla aos máis pequenos e a interacción co público. Implicou ao alumnado activamente, invitounos a reflexionar, e resultou interesante refrescante e de plena actualidade (moi necesario facelos e facernos pensar sobre o que facemos sentir aos demais, e como actuamos ante as situacións desfavorables. Encantounos. Todo ben, duración correcta, interesante… valoramos a posteriori co alumnado e co profesorado e a todas nos pareceu unha actividade moi necesaria. Exemplar, moi bo traballo.” – CEIP Xuvencos (Boborás)

“Unha obra diferente e moi necesaria. Grazas sempre polas vosas actividades!! No noso cole quedamos encantados sempre coa Xanela do Maxín!!” – CEIP Torre Illa (A Illa de Arousa)

“Moi axeitada e apropiada o alumnado e o profesorado disfrutou moito. Gran idea o interaccionar co alumnado. A seguir así e moito ánimo, sabemos do complicado que é subirse a un escenario e transmitir a un público tan esixente. Parabéns porque o conseguisteis” – CEIP de Baíñas (Vimianzo)

“Participativa, onde os nenos foron parte da escea. Gustounos moito a modalidade de facelos participar” – CEIP de Sestelo-Baión (Vilanova de Arousa)

“Temática imprescindible para a educación dos nenos de hoxe. Aborda o tema do bullying dun xeito empático e diferente. A obra abordou un problema actual no contexto escolar . Coa participacion do alumnado voluntario e as diferentes máscaras de cores axudou ao público a meterse no papel e implicarse na búsqueda dunha solución. A Xanela do Maxín nunca defrauda. Parabéns!” – CEIP Vila de Cee (Cee)

La entrada Pasando a bóla. Xogando para cambiar se publicó primero en A Xanela do Maxín.

Nunha combinación de teatro, poesía, música e pequenas sorpresas escénicas, hologramas e personaxes fantásticos conviven para mostrar que estas mulleres non só fixeron historia, senón que continúan inspirando ás xeracións máis novas. A obra é unha celebración da lingua galega, da creatividade e da forza das mulleres que a mantiveron viva, desde as escritoras máis coñecidas ata as cantareiras anónimas que transmitiron cultura de xeración en xeración.

Un espectáculo dinámico, entrañable e participativo, que remata en festa e lembra que cada nena e cada neno levan dentro un anaco de Rosalía… e de todas aquelas mulleres que soñaron un mundo máis libre.

Valoracións de DENDE ROSALÍA

“Contidos axeitados para a idade e boa posta en escena. Novidosa, lúdica e moi acertada” – CEIPP de Abanqueiro (Boiro)

“Unha boa actuación. Moi dinámica e con moita implicación por parte da actriz” – CEIPP de Artes (Ribeira)

“Entretida, didáctica e moi recomendable. Encantoume e considero moi motivador esta actividade con moita animación e diversidades, cambio de personaxes. Unha boa posta en escena e un bo actor para achegar ao alumnado de primaria as figuras relevantes das nosas letras. Unha moi boa proposta! Recomendado!” – CEIP de Ventín (Ames)

“Moi profesional e adaptada á idade do alumnado a que ía dirixida. Gustaríanos volver a contar novamente con funcións coma esta, coa mesma calidade. Moi boa a función, tanto a posta en escena como o contido. Nótase cando se pode contar con profesionais na materia” – CEIP Mestre Martínez Alonso (Mos)

“Adecuada, estimulante e atractiva para o alumnado.  Moi ben por alternar diferentes momentos, actuacións personaxes e facela dinámica. Bo traballo” – CEIP Mestre Martínez Alonso (Mos)

“Unha obra moi axeitada para achegar ao alumnado ás autoras ás que lles foron dedicadas as Letras, dun xeito lúdico e divertido. Encantoume a temática, o texto e a posta en escena. Moi interesante e amena. O alumnado de 1º ESO tamén quedou moi contento. Grazas! “– CPI As Revoltas (Cabana de Bergantiños)

“Moi interesante xa que nos permitiu coñecer dunha maneira moi lúdica a vida e obra das mulleres que foron homenaxeadas o día das Letras Galegas. Gracias por fomentar a cultura galega poñendo en relevancia as mulleres no Día das Letras Galegas” – CEIP Altamira (Salceda de Caselas)

La entrada Dende Rosalía se publicó primero en A Xanela do Maxín.

Non se trata dun espectáculo de títeres común nin dun contacontos corrente, senón que mestura ambos conceptos. Grandes Libros que conteñen no seu interior pequenas historias nas que todo é posible.

E, aínda que nun primeiro momento poida parecer que é o titiriteiro o que vai a contar as historias… descubriremos que dos libros xurde outro tipo de vida… levándonos a un mundo que nos atrapará coa súa maxia.

Valoracións de Os Libros da Titiriteira

“Encantounos!. Este venres tivemos unha boa mostra de que os espectáculos de títeres de calidade e as boas historias son para todos os públicos, grandes e pequen@s. Grazas, Celtia, polos libros e pola titiriteira! Agardamos verte de novo pola nosa biblioteca.” CEIP Ana María Diéguez (Rianxo)

“Gustounos moito, moi axeitada para a cativada. Gran traballo, sabe como captar a atención dos máis pequenos. Divertida, interesante e diferente“  CEIP San Ramón (Moeche)

“Fantástica. Unha moi boa escena e a persoa soubo captar a atención e o interese dos nen@s, conectou co alumnado dende o principio e mantivo a súa atención todo o tempo. Disfrutamos tod@s un montón. Noraboa”  CEIP de Sandiás

“Xenial” Colexio Inmaculada (Marín)

“Moi amena, divertida e variada. Co díficil que é hoxe en día facer que os cativos manteñan a atención máis de 15 minutos, pareceme un gran logro que consigades contar 3 contos seguidos. As veces non dou nin terminado un. Moitas grazas de verdade pola túa actuación e a túa paciencia e amabilidade cos rapaces” EEI da Gándara (A Guarda)

“Moi orixinal, interactiva e divertida. Durou o axeitado e os nenxs gustóulles moito. Enganchounos a monicrequeira coa sua actitudes e bo facer” CEIP O Piñeiriño (Vilagarcía)

“Estivo todo xenial, os nenos/as estiveron encantados. Moi entretida e adaptada aos nenos/as. Gustounos moito e ademais a chica que lles contaba as historias tivo moito feeling e comprensión cos nenos/as, deixándolles acercarse ao contos e tocalos” CEIP Bormio-Agualada (Coristanco)

“Moi ben. Noraboa!!” CEIP Víctor Sáenz (Mazaricos)

La entrada Os Libros da Titiriteira se publicó primero en A Xanela do Maxín.

Celtia Figueiras e Topo Vidal, como intérpretes solistas, fan desta obra unha auténtica delicia para os sentidos dun xeito delicado, amable e perfectamente adecuado ás necesidades sensoriais da primeira infancia.

Valoracións de Babá-Bebé

“Visualmente xenial, entretida pero sobre todo súper interactiva. Foi unha función súper amena onde as nenas e os nenos estiveron súper entretidos. O mellor sen duda é a interacción con eles e elas!! Moi ben decorado e ambientado!”

“Encantoume como nai e educadora. Quedeime con varias cousiñas para usar de recurso educativo”

“Estivo xenial! Os nenos estaban super atentos a todo. Grazas por abrir o mundo do teatro aos nenos/as”

“Espectáculo acorde coas idades das crianzas. Sensorial, cercana, directa e tenra. Fai que as crianzas estean dende principio a final enganchados á actuación a través dun bebe oso que fai de fio conductor da obra”

“Moi amena e entretida”

“Interesante e sinxela. @s nen@s pasárono moi ben!!!! Esperamos vervos noutra ocasión”

“Todo moi correcto e profesional. Excelente e pra repetir novamente . Totalmente recomendable”

“Obra sensorial. Nos ha gustado mucho, y a los niños y niñas los ha captado desde el primer momento”

“Todo ha sido perfecto. Entretenida, sensorial, bonita y alegre A mi peque y a mi nos ha encantado. Se lo ha pasado fenomenal y el trato ha sido inmejorable. Nos hemos sentido como en casa. Muchas gracias por traer este tipo de formatos para los más peques.”

La entrada Babá-bebé se publicó primero en A Xanela do Maxín.